上次試完sense dessert cafe之後﹐覺得元朗甜品店已經不再局限於大件夾抵(﹖)食既大排檔式。係鳳琴街小巴站附近開了連鎖店甜品工房﹐決定試一下﹗
地方光猛而且闊落﹐比起坐街邊係兩種感受。
menu都好多野揀﹐除左西式仲有中式甜品﹐亦有飲品﹐價錢大概$25~$50左右。
金牌推介紫葡之戀$48。賣相同menu基本上一模一樣﹐好靚好靚。不愧為金牌推介﹐真係幾好味~ 面頭係疑似爆爆珠﹐爆開有巨峰提子味~ 旁邊有三粒芋頭糯米糍﹐同紅提子~下面係砲冰﹐加上巨峰提子汁同煉奶。因為呢幾日天氣都幾凍﹐所以溶得慢。夏天既話﹐應該唔可以KEEP到呢個靚樣幾耐 XP 如果溶得快﹐會變成一灘甜水﹐諗落都幾無引。
可可之吻$42﹐鐘意朱古力既朋友仔要試下呢個~ 朱古力雪糕絕非一般牛奶公司貨色﹐好濃﹐好好味好滑~ 有D咖啡jelly﹐朱古力可可米同四份一片蕉XD 白色的地方是軟雪糕。食到底﹐會有DD悶﹐因為無曬口感。
第二次再同朋友過黎試。我極力推解巨峰爆爆珠比我朋友﹐我地要左﹕
左手邊的是我叫既宇治金時$45﹐同我朋友既綠茶之舞$42﹐紫醉之迷$42。朋友都幾滿意﹐但我自己就對宇治金時有D失望。上面個兩塊三角形的東西係冰﹐絲毫奶味+少量紅豆﹐食不知味。抹茶味唔夠濃﹐完全係食緊冰。紅豆算煙韌﹐小丸子OK﹐但都係無味。非常可惜﹐寧願叫返紫葡之戀...
之但係﹐同情人或朋友﹐吃完正餐再吃甜品﹐有如一個聚會完美既句號。講愛情講友情在之後是﹖是再會~ 需然唔係每款甜品我都滿意﹐但我應該會再黎﹐因為呢度比sense容易有位多了﹗XP
more info: http://www.dessertkitchen.com.hk/
FB: https://www.facebook.com/TheDessertKitchenHK
謝謝收看﹗路過的請LIKE一下給我少少的支持吧~>3
找我﹖ngayiellie@gmail.com
http://www.facebook.com/pages/Popcorn-express/560506497300434
