減肥講得太多﹐等我平衡下心理先。元朗人﹐睇住呢區愈黎愈多美食﹐愈黎愈唔洗跨區覓食~ 今次試下一人前拉麵﹐睇住佢開業﹐可以捱到今日﹐應該有返咁上下實力﹗
打正旗號係香港本地疆﹐唔賣弄咩日本人主廚咩過江龍﹐價錢比日本主理拉麵平少少啦﹐真係少少﹐加上比起出面應該無咁貴租﹐所以諗落實在係有D貴架。
調味架有辣醬﹐芝麻等等﹐有熱水壺﹐可以自己斟熱水。鋪面唔大﹐大概可以左20人左右啦。
有bar檯﹐可以望到廚房狀況。環境衛生。
落單後5分鐘左右立即有麵到﹗超勁快~ 我叫呢碗係白前﹐即係最basic個碗。有叉燒x2﹐木耳絲﹐筍﹐蔥花同流心蛋半隻。賣相滿分似足日本師傅個D~
呢碗係鐮﹐無食過﹐純粹比張相大家參考下。
叉燒簿而肥瘦參半﹐我諗好多人都perfer呢種叉燒(﹖)﹐但作為一個減緊肥既女人黎講﹐就肥左DD。不過﹐食得拉麵都無可能瘦架啦... 面條要左硬﹐做得到﹐無鹼水味﹐唔錯有水準。流心蛋流心做到perfect﹐略嫌唔夠蛋味。豬骨湯亦夠濃夠膠﹐但豬骨味好似唔係好出。
追加左期間限定既比目魚煮。幾入味﹐魚肉好嫩好滑。呢個值得推介~
老實講﹐可能我入鋪頭個刻無乜期望﹐所以我覺得有驚喜。你話係咪好出色﹐唔係﹐但係可以係元朗食到一碗出面街要排幾粒鐘既拉麵﹐我於願足矣﹗
謝謝收看﹗路過的請LIKE一下給我少少的支持吧~>3
找我﹖ngayiellie@gmail.com
http://www.facebook.com/pages/Popcorn-express/560506497300434