TVB新劇《十二傳說》以香港著名靈異事件為藍本，蕭正楠在劇中飾演突發記者傅子博，會與林夏薇一同合力查出是否有人利用傳說犯案，二人更有感情線。
現實中，蕭正楠自去年突然爆出一句「我要多謝，我太太黃翠如」，令二人已婚的身分曝光，並在峇里補辦婚禮。
蕭正楠同翠如由拍拖到結婚仍然處於熱戀期，不時在社交網站上放閃，現在就跟大家公開二人的愛情保鮮秘技啦！
拍拖初期翠如遭抹黑為第三者
蕭正楠同黃翠如喺2014年拍《師奶Madam》認識，當時佢哋分別飾演好窮嘅警察羅大樹同好有錢嘅港女警察花蘋，佢哋兩個獲上頭任命假扮夫妻，潛入一條屋村查案。
而蕭正楠同黃翠如就因為喺劇入面假扮夫妻，加上拍劇朝夕相對，所以產生感情。
當時，黃翠如俾傳媒誤會佢係第三者，蕭正楠因為要幫黃翠如澄清而公開承認二人嘅關係，並且堅決否認黃翠如係第三者。雖然蕭正楠同黃翠如嘅愛情開頭開得唔係好順，不過第三者嘅不實傳聞好快就沉咗底，二人都越愛越高調。
近年TVB都開綠燈，允許蕭正楠同黃翠如孖住一齊出席公開活動，以情侶檔搵真銀。
文章推薦：
