【#食記】海鮮精華粥底火鍋 - ﹝觀塘﹞發哥粥底海鮮火鍋 / 講女搵食團
= = = = = = = = = = = = =
打邊爐！打邊爐！打邊爐！ms.C最愛打邊爐，天氣開始轉涼，最好不過約閨蜜打邊爐。觀塘區出名多特式店，當然少不了特式食肆，今次就同閨蜜去觀塘【發哥粥底海鮮火鍋】食粥底火鍋。
【發哥粥底海鮮火鍋】位於成業街地鋪，早上鋪頭是茶餐廳，晚上轉身變為粥底火鍋店，所以店面都是以茶餐廳卡位為主，而卡位位置寬敞，就算4個人坐都不會太迫。
【發哥粥底海鮮火鍋】設有多款套餐按人頭計選擇，有配粥底的海蟹、龍蝦餐或者是大胃王（海蟹+龍蝦），更加有雞煲選擇，我們今次目標是粥底，所以我們叫了龍蝦餐。
每位套餐包括：前菜、時令燉湯、蒜蓉泰醬焗青口(2隻)、新鮮或冰鎮鮑魚、每位半隻龍蝦、海鮮拼盤(聖子皇、貴妃蚌、多寶魚、黃金蜆、海蝦、時令貝)、安格斯牛肩肉、8款自選火鍋配料，加竹蔗水及各種汽水任飲。
- - - - - - - - - - - - - - - - - -
點好餐後，先上每人一盅【時令燉湯】，湯料豐富，有螺肉、雞腳、豬肉，材料充足。
再上每人2隻【蒜蓉泰醬焗青口】，嫩口青口配上蒜蓉+泰醬味，入口香濃。
- - - - - - - - - - - - - - - - - -
之後就到主角的【粥底火鍋】，粥底火鍋是無米的粥水，
粥底火鍋都是先食海鮮，再食其他配料後食粥。所以我們先煮海鮮，等粥水煲出海鮮鮮味，之後才開動其他自選火鍋配料。
- - - - - - - - - - - - - - - - - -
【海鮮拼盤】上枱已經嘩然，份量豐富材料新鮮外，包括：聖子皇、多寶魚、黃金蜆、海蝦、時令貝等等，
我們點了【龍蝦餐】，每位有半隻龍蝦，龍蝦肉大大啖鮮甜爽口，用粥底灼一灼入口鮮甜。
至於其他海鮮都同樣新鮮，最愛是多寶魚，煮熟後肉質嫩滑鮮甜。
每位套餐都有一隻鮑魚，建議可以選擇新鮮鮑魚，
十分生猛大大隻，配粥底一流。
- - - - - - - - - - - - - - - - - -
【安格斯牛肩肉】 - 牛肉紋理鮮明，肉味濃，與粥底十分配合。
- - - - - - - - - - - - - - - - - -
至於其他【8款自選火鍋配料】，
【脆鯇魚腩】- 食粥自然會聯想魚，除了多寶魚，脆鯇魚腩味鮮，都是配粥底的好選擇之一。
【鮮滑雞】- 差不多有大半隻雞，用粥底煮出雞肉嫩滑無雪味。
- - - - - - - - - - - - - - - - - -
食到一半加入埋附送的上菜時會送上一碗粟米南瓜芋頭粒粒，可以食到一半加入蔬菜粒粒，令粥底越煲越甜，食到最後時加入粥膽，
菜圃同蔥，匯粹成海鮮湯底的粥，吸收了海鮮的精華，熬成海鮮粥味道鮮美。
- - - - - - - - - - - - - - - - - -
【發哥粥底海鮮火鍋】不設時限，可以由六點入座，坐到收鋪都可以，適合喜歡慢慢食、慢慢聊天的朋友。
- - - - - - - - - - - - - - - - - -
【發哥粥底海鮮火鍋】
地址: 觀塘成業街19-21號成業工業大廈地下1號舖
電話: 23425137
- - - - - - - - - - - - - - - - -
#mscammyfood #火鍋 #打邊爐 #觀塘
▿▾▿▾▿▾▿▾▿▾▿▾▿▾▿▾▿▾▿▾▿
| 講女C生活 | ｂy ms.Ｃ
「講」女就是這樣的!
♧ 80′s 後 X 100%土生土長水瓶港女；隨心講，隨心寫
♤ 講玩、講食、講扮靚
♧ 用文字、短片記錄，分享一切「講」女生活事
♤ 歡迎╔ 品牌合作 | 產品試用 | 活動出席 ╗
--
--
email: mscammy.w@gmail.com
--
YOᑌTᑌᗷE νℓσg
--
⌞ms.C⌟ 其他網誌
| blogspot || ulifestyle || beauty exchange || girlssss |
| qooza beauty || she.com || theztyle || girlab || fashion guide |
| weshare || pixnet || style-tips || beautylife |
fσℓℓσω мє
▿▾▿▾▿▾▿▾▿▾▿▾▿▾▿▾▿▾▿▾▿
![[母嬰] 開箱囉！ 幸孕果「卵磷脂孕哺牛奶鈣」、「寶貝成長DHA專利益生菌滴劑」](https://images.weserv.nl/?url=blogwww.s3.amazonaws.com%2Fuploads%2Fpost%2F12451%2F20240426100834-cover-662b0ca22e9b4.jpeg&w=284&h=150&fit=cover)
![[母嬰] 開箱囉！ 幸孕果「卵磷脂孕哺牛奶鈣」、「寶貝成長DHA專利益生菌滴劑」](https://images.weserv.nl/?url=blogwww.s3.amazonaws.com%2Fuploads%2Fpost%2F12451%2F20240426100834-cover-662b0ca22e9b4.jpeg&w=220&h=124&fit=cover)
