遲來的粉底掃分享~~~
之前係網上睇到SingSing Rabbit X Will Or 新推出左一支粉底掃。
但係網路上既資料唔多。所以就直接走去Log on 睇下。
價錢唔係好貴。HKD 268 一支粉底掃。都OK 呀。二話不說就買左。
折開睇下. 掃頭真係好大. 羅左我支Real Techniques 圓波波胭脂掃比較下.
掃既毛係差唔多大同厚.
掃柄好薄, 不過幾好揸手.
而且, 其實佢D毛質都幾滑. 由於毛既密度非常非常密. 所以佢既抓粉力都幾高.
另外, 佢既賣點係. 佢係一支多功能既粉底掃及可以10秒完成打底。。
我試過，其實真係可以做到。因為佢個掃頭超級大。
基本上真係可以幫到你好快上左個底妝.
但係就有另一個問題.
由於真係太大. 對於我呢D面唔係大既人.
有D細位就要用粉樸或者Beauty Bender補補. 特別係鼻位.
至於多功能, 即係可以用埋黎上碎粉.. 呢方面我就覺得係見仁見智喇.
如果我用有色碎粉及粉質唔夠幼細既. 個妝就會厚左.
反而我用一D透明碎粉或者調色碎粉(即係幾種顏色Mix 埋果D), 就會自然D
不過, 我都係比較喜歡用佢黎上粉底液多D...
*~~完妝後~~*
(未上眼遮瑕及碎粉)
(未上眼遮瑕及碎粉)
如果大家都想去睇下既可以去大間D既 Sasa 或者 全線Log on 睇下.
不過我係7月中買既. 唔知而加仲有無.
希望你地搵到喇.
喜歡我既分享歡迎訂閱我既FB／IG，Follow我每日既保養／彩妝／生活分享喇。
